“AJLY” ПЛАТФОРМ ҮЙЛЧИЛГЭЭНИЙ НӨХЦӨЛ

Тэнокс Ажлы ХХК-ийн Гүйцэтгэх захирлын

2022 оны 03-р сарын 14-ны өдрийн тушаалын хавсралт

Энэхүү үйлчилгээний нөхцөл нь цагийн ажилтан ажлуулах хүсэлтэй албан байгууллага /цаашид “Ажил олгогч” гэх/ болон цагийн ажил хийх хүсэлтэй хувь хүн /цаашид “Ажилтан” гэх/ нарын хооронд үүсэх хөдөлмөрийн харилцааг шийдэх боломжийг олгодог хөдөлмөр зуучлалын платформ болох вебсайт болон мобайл аппликейшн /цаашид “Ajly платформ” гэх/ ба Ajly платформыг ашиглах үед мөрдөгдөх бичиг баримт юм.

Ажилтан нь Ajly платформыг ашиглахын тулд энэхүү Үйлчилгээний нөхцөлийг уншиж танилцан, бүх заалтуудыг хүлээн зөвшөөрсний үндсэн дээр “Үйлчилгээний нөхцөлийг хүлээн зөвшөөрч байна” гэсэн товчийг дарснаар Ajly платформыг ашиглах эрх үүсэх ба ингэснээр цаашид үүсэх хөдөлмөрийн харилцаа болон Ajly платформын үйлчилгээний нөхцөлүүдийг дагажмөрдөхөө бүрэн ойлгож, зөвшөөрч байгаа болно.

НЭГ. ХАРИЛЦАГЧИЙН БҮРТГЭЛ

• 1.1. Ажилтан нь Ajly платформ-д бүртгүүлэхдээ дараах 3-н төрлийн шатлалаар дамжин бүртгүүлэх боломжтой. Үүнд:
  • 1.1.1. Apple ID хаягаар нэвтрэх
  • 1.1.2. Facebook хаягаар нэвтрэх
  • 1.1.3. Google хаягаар нэвтрэх буюу тухайн 3 төрөлд бүртгүүлсэн өөрийн хувийн и-мэйл хаяг нь хэрэглэгчийн Ajly платформыг ашиглах дахин давтагдашгүй хаяг нь болно
• 1.2. Ажилтан нь Ajly платформ-д дээрх холбоосуудаар нэвтэрсний дараа өөрийн гар утасны байршлыг Ajly платформ-д өгөх ба тухайн байршлын мэдээллийн дагуу өөрт ойр байрших ажлуудаа харах боломж бүрдэх юм. Харин Ajly платформ-нь ажилтны байршлын мэдээллийг бусад зорилгоор ашиглахгүй болно.
• 1.3. Ажилтан нь мэдээллээ буруу оруулсан эсхүл бүртгэгдсэн мэдээлэл нь өөрчлөгдсөн тохиолдолд тэр даруй тухайнмэдээллээ засварлах үүрэгтэй. Энэхүү үүргээ гүйцэтгээгүйн улмаас (санаатай эсхүл санамсаргүй аль ч сэдлээр) талуудад болон бусад этгээдэд учирсан аливаа хохирлыг үл маргах журмаар нөхөн төлнө.
• 1.4. Тэнокс Ажлы ХХК нь харилцагчийн мэдээллийн үнэн зөвийг баталгаажуулах болон харилцагчтай холбогдох зорилгоор дараах байгууллагуудаас харилцагчийн дор дурдсан мэдээллүүдийг авах бүрэн эрхтэй байна. Үүнд:
  • 1.4.1. Ажилтны гараас оруулсан одоо оршин суугаа хаягийг баталгаажуулах зорилгоор Иргэний бүртгэлийн газар болон тухайн мэдээллийг баталгаажуулан авах боломжит бусад төрийн эрх бүхий байгууллагаас оршин суугаа хаягийн лавлагаа авах;
  • 1.4.2. Ажилтны бүртгэлтэй утасны дугаар болон яаралтай үед холбоо барих дугаараар нь түүнтэй холбогдож чадаагүй тохиолдолд үүрэн телефоны компаниудаас харилцагчийн эзэмшлийн (түүний нэр дээрх) бусад дугааруудын лавлагаа авах;
  • 1.4.3. Ажилтны системд оруулж буй аливаа мэдээллийг баталгаажуулах шаардлагатай болсон тохиолдолд тухайн мэдээллийг баталгаажуулан авах боломжит төрийн захиргааны байгууллагууд болон бусад байгууллагуудаас лавлагаа авах

ХОЁР. АЖЛЫН ЗАРЛУУ ХҮСЭЛТ ИЛГЭЭХ ЭРХ НЭЭГДЭХ

• 2.1. Ajly платформнь ажилтанг ажил олгогчид зуучлах үйлчилгээ үзүүлэгч хөдөлмөр зуучлалын компани бөгөөд ажилтантай “Хөдөлмөр зуучлалын гэрээ” байгуулан боломжит Ажлын байрлуу хүсэлт илгээх боломжтой болох ба дараах мэдээллүүдийг бөглөнө.
• 2.2. Ажилтан нь мобайл аппликейшнд нэвтэрсэний дараа “Хэрэглэгчийн мэдээлэл хэсэг” буюу KYC /know your customer буюу хэрэглэгчийн таних цэс/ хэсгийн бүхий л мэдээллийг үнэн зөв, бүрэн гүйцэд бөглөх. Үүнд:
  • 2.2.1. Хувийн мэдээлэл
  • 2.2.2. Гар утасны мэдээлэл
  • 2.2.3. Зурган мэдээлэл
  • 2.2.4. Хэрэглэгчийн ажлын байрны анкет Ажилтан нь хэрэв худал мэдээлэл оруулсан бол түүний үр дагаврыг Ажилтан өөрөө хариуцах болно.
• 2.3. Дараах шаардлагыг хангаж буй ажилтан нь Ajly платформоор дамжуулан ажлын байр луу хүсэлт илгээх эрхтэй байна. Үүнд:
  • 2.3.1. 18-н насанд хүрсэн, эрх зүйн бүрэн чадамжтай Монгол Улсын иргэн байх;
  • 2.3.2. Ajly платформ дахь Хувийн мэдээллээ бүрэн гүйцэд, үнэн зөв оруулсан байх;
• 2.4. Тэнокс Ажлы ХХК нь ажилчдад тавигдах шаардлагыг хэдийд ч дангаар өөрчлөх эрхтэй байна.

ГУРАВ. ЕРӨНХИЙ НӨХЦӨЛ

• 3.1. Энэхүү үйлчилгээний нөхцөлийн 2 дугаар зүйлийн 2.1, 2.2-дахь заалтуудын үйлдлүүдийг хийсэн, 2 дугаар зүйлийн 2.3 дахь заасан шалгууруудыг хангасан ажилтан нь өөрийн сонгосон цагийн ажлын зарууд руу хүсэлт илгээх эрхтэй болох буюу Ajly платформыг ашиглан ажилд зуучлуулагч ажилтан болсон гэж үзнэ.
• 3.2. Тэнокс Ажлы ХХК нь компанийн бизнес төлөвлөгөө, ажил олгогч байгууллагуудын цагийн ажилтан авах шаардлага, цаг үеийн нөхцөл байдалтай (дотоодын болон гадаад) холбоотойгоор нэмэлт шалгуур тавих зэргээр ажилтнаар бүртгэх бодлогоо хэдийд ч тохируулга хийх эрхтэй.
• 3.3. Тэнокс Ажлы ХХК нь дараах тохиолдлуудад ажилтныг ажилтнаар бүртгэхээс татгалзаж болно.Үүнд:
  • 3.3.1. Ажилтан нь энэхүү Үйлчилгээний нөхцөлийн 2 дугаар зүйлийн 2.1, 2.2 дэх хэсэгт заасан үйлдлүүдийг хийгээгүй;
  • 3.3.2. Ажилтан нь энэхүү Үйлчилгээний нөхцөлийн 2 дугаар зүйлийн 2.3 дэх хэсэгт заасан шаардлагыг хангаагүй;
  • 3.3.3. Хөдөлмөрзуучлалынбодлоготой уялдуулан ажилтандтавьжбуй нэмэлтшалгуурыг хангаагүй;
  • 3.3.4. Гэнэтийн болон давагдашгүй хүчин зүйлийн нөлөөлөлд орсны улмаас ажилтан бүртгэх, ажил зуучлал хийх боломжгүй нөхцөл байдал үүссэн;
  • 3.3.5. Мөнгө угаах болон терроризмыг санхүүжүүлэхтэй тэмцэх тухай хууль болон холбогдох бусад хууль тогтоомжийн биелэлтийг хангах;
  • 3.3.6. Хууль, хяналтын эрх бүхий байгууллагын шийдвэрийн дагуу;
• 3.4. Эрх бүхий байгууллагын аливаа шийдвэр, гэнэтийн болон давагдашгүй хүчин зүйлийн нөлөөллийн улмаас ажилтан болон ажил олгогчид учирсан хохирлыг Тэнокс Ажлы ХХК хариуцахгүй.
• 3.5. Тэнокс Ажлы ХХК нь энэхүү үйлчилгээний нөхцөлийг хэдийд ч дангаар өөрчлөх эрхтэй бөгөөд харилцагчид Ajly платформоор (notification) дамжуулан мэдэгдэнэ.
• 3.6. Ажилтан нь үйлчилгээний нөхцөл шинэчлэгдэхээс өмнө Хөдөлмөр зуучлалын гэрээгээ байгуулсан бол тухайн гэрээ дуусгавар болох хүртэл хуучин үйлчилгээний нөхцөл хамаарна.
• 3.7. Ажилтан нь үйлчилгээний нөхцөл шинэчлэгдсэн өдрөөс хойш Ajly платформыг үргэлжлүүлэн ашигласаар байвал тухайн нөхцөлийг хүлээн зөвшөөрсөнд тооцно.
• 3.8. Ajly платформ нь ажил олгогчдын хүслээс хамааран 2 төрлөөр ажилчдыг ажил олгогчдод зуучлах ба дараах байдлаар хөдөлмөрийн харилцааг зохицуулна. Үүнд:
  • 3.8.1. Тэнокс Ажлы ХХК нь ажилтантай хөдөлмөр зуучлалын гэрээ байгуулах ба Ajly платформ нь ажилтанг зарлагдсан ажлын зарын дагуу хөлсөөр ажиллах гэрээгээр зуучлах;
  • 3.8.2. Тэнокс Ажлы ХХК нь ажилтантай хөдөлмөр зуучлалын гэрээ байгуулах ба Ajly платформ нь ажилтны Ajly платформ-д ирүүлсэн хувийн мэдээллийг (анкет) ажил олгогчдод хүргүүлэх ба ажилтан болон ажил олгогч нар хөдөлмөрийн харилцаагаа хоорондоо тохиролцон гэрээ байгуулах;

ДӨРӨВ. АЖИЛ ЗУУЧЛАХ ЖУРАМ

• 4.1. Ажилтан нь Ajly платформтой хөдөлмөр зуучлалын гэрээ хийхийн тулд дараах мэдээллүүдийг бөглөнө. Үүнд:
  • 4.1.1. KYC (хэрэглэгчийн таних мэдээлэл) бөглөх;
  • 4.1.2. Ajly анкет (ажилтнаар бүртгүүлэхэд шаардлагатай хувийн мэдээлэл) бөглөх;
  • 4.1.3. Ажлын төрлөөс хамааран нэмэлт анкет (жишээ нь судалгаа цэсний судалгааг бөглөхийн тулд судалгааны анкет бөглөсөн байх гэх мэт) бөглөх;
  • 4.1.4. Хэрвээ шаардлагатай бол тухайн ажлын зарын байршуулсан Ажил олгогчийн нэмэлт асуулга бөглөх;
• 4.2. 4.1-т заасан мэдээллүүдийг бөглөсөн ажилтан нь Ajly платформын үндсэн цэсийн дараах ангилалуудад багтах цагийн ажлын заруудаас сонголт хийх. Үүнд:
  • 4.2.1. Ажил олгогчийн үйл ажиллагааны төрөл
  • 4.2.2. Ажиллах цаг
  • 4.2.3. Ажиллах өдөр
  • 4.2.4. Ажлын байршил
• 4.3. Ажилтан нь 4.2-т заасан төрлийн цагийн ажлын заруудын дэлгэрэнгүй хэсэгт байрших ажлын байрны дэлгэрэнгүй мэдээллүүдтэй сайтар танилцсаны эцэст ажлын зарууд руу өөрийн тохирох хуваарийг сонгон хүсэлт илгээнэ.
• 4.4. Ажилтны илгээсэн ажлын хүсэлтүүд нь Ajly цэсийн илгээсэн хүсэлт хэсэгт ажил олгогчийн зүгээс батлах, цуцлах эсвэл тухайн зарласан ажлын зарын эхлэх цаг эхлэх хүртэл идэвхтэй байршина.
• 4.5. Ажил олгогч нь зарлагдсан ажлын байруудад хүсэлт илгээсэн ажилчдын мэдээллүүдээс хамааран өөрсдийн сонголтоор тохирох ажилтанг баталгаажуулна.
• 4.6. Ажлын хүсэлтүүд нь ажил олгогчоос сонголтоос хамааран дараах төрлүүд рүү шилжинэ.Үүнд:
  • 4.6.1. Ажил олгогчоос тухайн ажилтанг ажлуулахаар сонгон баталгаажуулсан бол баталгаажсан ажил хэсэгт байршина
  • 4.6.2. Ажил олгогчоос тухайн ажилтанг ажлуулахаар сонгоогүй бол ажилтанд мэдээлэл (notification) илгээх ба илгээсэн ажлын хэсгээс хасагдана.
• 4.7. Ажилтан нь 4.6.1-т заасан буюу цагийн ажлын хүсэлт баталгаажсан бол хүндэтгэн үзэх шалтгаанаас бусад шалтгаанаар тухайн батлагдсан ажил эхлэхээс 24 цагаас дотор хугацаанд цуцлах боломжгүй болох ба заавал ажиллах үүрэгтэй. Харин хүндэтгэн үзүүлэх шалтгааны улмаас ажиллах боломжгүй болсон тохиолдолд тухайн батлагдсан ажил эхлэхээс хамгийн багадаа 24 цагаас дээш хугацаанд цуцлах хүсэлт илгээх боломжтой.
• 4.8. 4.7-т заасан хүсэлт илгээсэн бол Тэнокс Ажлы ХХК-ын тухайн үед хэрэгжиж буй ажилтан ажлуулах журманд заасан хугацаагаар Ajly платформыг ашиглах эрх түр хаагдана.
• 4.9. Харин ажилтан нь 4.6.1-т заасан баталгаажсан цагийн ажлыг 4.7-г заасан нөхцөлөөр цуцлаагүйгээр тухайн цагийн ажлыг хийгээгүй бол Тэнокс Ажлы ХХК-ын тухайн үед хэрэгжиж буй ажилтан ажлуулах журманд заасан хугацаагаар Ajly платформыг ашиглах эрх түр хаагдана.
• 4.10. Ажилтан нь батлагдсан цагийн ажлын цаг эхлэхээс 30 минутын өмнө ажил эхлүүлэх товч идэвхжих бөгөөд ажил эхлүүлэх товчийг дарснаар батлагдсан ажлын зарын хугацаагаар ажиллана. Ажилтан нь батлагдсан ажлын цаг эхлэх үед ажил эхлүүлэх товч дараагүй бол ажилтанг тухайн ажилд хоцорцсоноор тооцох ба ажил эхлүүлэх товч дарсан цагаар тооцон ажлын цагийг тооцно. Хэрвээ ажилтан нь санамсаргүй болон эхлүүлэх товч дарах боломжгүйн улмаас ажил эхлүүлэх товчийг дараагүй бол ажил олгогчид хүсэлт илгээн засварлуулна.
• 4.11. Ажилтан нь цагийн ажлыг хийхдээ тухайн баталгаажсан ажлын цагын дагуу ажиллах бөгөөд ажлын онцлогоос хамааран сунгаж ажиллах шаардлагатай тохиолдолд Ajly платформоороо ажлын цагийг сунгах хүсэлт илгээх ба ажил олгогч нь тухайн хүсэлтийг хүлээн авснаар ажил сунгагдана.
• 4.12. Харин тухайн баталгаажсан цагийн ажлын хугацаанаас өмнө ажил дуусгах шаардлагатай болсон тохиолдолд ажил дуусгах товчийг дарах бөгөөд баталгаажсан ажил эхлэх хугацаанаас ажил дуусгах товч дарсан хугацаагаар тооцон цагийн хөлсийг систем автоматаар тооцно.
• 4.13. Ажилтан нь батлагдсан ажлыг хийж дуусгахдаа дуусгах товч дарсны дараа ажил олгогчийг үнэлэх хэсэг гарч ирэх ба тухайн үнэлэх хэсгийг амжилттай бөглөснөөр цагийн ажлын хөлсийг авах эрх нээгдэнэ.
• 4.14. Ажил олгогчийн цагийн ажилтан ажлуулах бодлогоос хамааран дараах байдлаар ажил олгогч болон ажилтан нарын хооронд үүсэх хөдөлмөрийн харилцааг зохицуулна. Үүнд:
  • 4.14.1. 3.8.1-т заасан нөхцөл үүссэн тохиолдолд ажил эхлүүлэх товч дарахад Тэнокс Ажлы ХХК-ын бэлтгэсэн хөлсөөр ажлуулах гэрээний төсөл гарч ирэх ба гэрээтэй танилцсаны үндсэн дээр зөвшөөрөх товч дарах буюу бодит үйлдэл хийгдсэнээр цахимаар гэрээ байгуулагдан ажиллана.
  • 4.14.2. 3.8.2-т заасан нөхцөл үүссэн тохиолдолд ажилтан нь ажил олгогчтой тухайн байгууллагын дотоод журмын дагуу гэрээ байгуулан ажиллана.

ТАВ. ТӨЛБӨР ТООЦООНЫ ЖУРАМ

• 5.1. Ажилтан нь Ajly платформын хувийн мэдээлэл хэсэгт өөрийн хувийн банкны дансны мэдээллээ оруулжөгснөөрAjly платформоор дамжуулан ажилласанцагийн ажлын хөлсийг авах боломж бүрдэнэ.
• 5.2. 3.8.1-т заасан төрлийн ажлууд нь ажилтны ажилласан цагийн ажлын хөлсийг систем 4.10, 4.11, 4.12, 4.13-т заасан нөхцөлүүдээр ажилтны цалинг тооцно.
• 5.3. Харин 3.8.2-т заасан төрлийн ажлууд нь ажил олгогчтой ажилтан нь гэрээгээ тохиролцон хийж байгаа учир тухайн хийсэн гэрээний нөхцөлийн дагуу ажил олгогч болон Ажилтан нарын хоорондцалингийн харилцаа үүсэх бөгөөд энэ нөхцөлд ажилтныцагийн ажлын хөлс нь Ajly платформоор дамжихгүй.
• 5.4. 5.2-т заасан харилцааны дагуу ажилтны цалин нь системээс цалин тооцогдон Ajly платформоос ажилтанд үүсгэсэн хэтэвч хэсэгт мөнгө байрших бөгөөд дараах нөхцөлөөр бодогдоно. Үүнд:
  • 5.4.1. Батлагдсан ажил нь ямар нэгэн нэмэлт цалингүй бол 5.2-т заасан нөхцөлийн дагуу бодогдоно;
  • 5.4.2. Батлагдсан ажил нь хоол, унаа гэх мэт ямар нэгэн нэмэлт цалинтай бол ажил олгогчийн ажлын зарыг байршуулахад оруулсан нөхцөлийн дагуу үндсэн ажлын хөлсөн дээр нэмэгдэн бодогдоно;
  • 5.4.3. Батлагдсан ажил нь ажилтны ажилласан үр дүнгээс хамааран цалин тооцогддог бол ажил дуусгах үед ажил олгогч нь ажлын зар байршуулахдаа оруулсан цалингийн нөхцөлийн дагуу ажилтны үр дүнг хэмжих бөгөөд хэмжигдсэн цалингийн хэмжээгээр бодогдоно;
• 5.5. 3.8.1-т заасан төрлийн ажлуудад Тэнокс Ажлы ХХК нь тухайн үед Монгол улсад мөрдөгдөж буй хөдөлмөрийн харилцааг зохицуулагч хууль журмын дагуу ажилтантай байгуулсан гэрээний нөхцөлөөс хамааран Хувь хүний орлогын албан татвар эсвэл Нийгмийн даатгалын шимтгэлийг ажил олгогчтой байгуулсан хөдөлмөр зуучлалын гэрээний дагуу тооцон ажилтны өмнөөс төлөх ба батлагдсан ажлын зар нь тухайн шимтгэлүүдийг хассаны дараа ажилтанд олгогдох мөнгөн дүнгээр байрших ба ямар нэгэн нэмэлт шимтгэл тооцогдохгүйгээр 5.4-т заасан нөхцөлийн дагуу ажилтанд олгогдоно.
• 5.6. Ажилтан ньAjly платформыг ашигласнаар ямар ч төлбөр төлөхгүй бөгөөд Ajly платформоос ажилтанд үүсгэж өгсөн хэтэвч хэсэгт байршсан мөнгийг хүссэн үедээ 5.1-т заасан өөрийн холбосон данс руугаа татан авч болно. Харин татан авахад үүсэх гүйлгээний шимтгэл (300 төгрөгийг) ажилтан төлөх бөгөөд хэтэвч дэх мөнгө 300 төгрөгөөс бага бол таталт хийх оломжгүй байна.

ЗУРГАА. ХАРИЛЦАГЧИЙН МЭДЭЭЛЛИЙН НУУЦЛАЛ

• 6.1. Тэнокс Ажлы ХХК нь ажилтны өгсөн мэдээллийг зөвхөн дараах зорилгоор ашиглана. Үүнд:
  • 6.2.1. Ajly платформоор дамжуулан цагийн ажил хийх хүсэлтэй ажилтны хувийнмэдээлэл (анкет)-ийг бүрдүүлэх;
  • 6.2.2. Ажилтны ирүүлсэн хувийн мэдээллийн дагуу цагийн ажлын зар байршуулсан ажил олгогчдод илгээх;
  • 6.2.3. Ажилтантай холбогдох, тухай бүрт үйлчилгээтэй холбоотой мэдээллийг хүргэх;
  • 6.2.4. Хөдөлмөр зуучлалын гэрээ болон хөлсөөр ажлуулах гэрээний төслийг боловсруулахад ашиглах;
  • 6.2.5. Үйлчилгээний чанар, хүртээмж, нөхцөлийг сайжруулах зорилгоор Ajly платформыг хөгжүүлэгч байгууллагад шилжүүлэх;
  • 6.2.6. Шинэ бүтээгдэхүүн, үйлчилгээ гаргах болон бусад асуудлаар зах зээлийн судалгаа шинжилгээ хийх;
• 6.2. Тэнокс Ажлы ХХК нь дараах зорилгоор ажилтны платформ-д хандах хандалт, платформоор дамжуулан хийж буй аливаа үйлдлийг лог болгон хадгалж, түүнийг хуулийн хүрээнд ашиглана.
  • 6.2.1. Харилцагчийн мэдээллийн аюулгүй байдлыг хангах;
  • 6.2.2. Ajly платформыг хууль бус зорилгоор ашиглахаас урьдчилан сэргийлэх
• 6.3. Тэнокс Ажлы ХХК нь ажилтны мэдээллийн нууцлалыг чандлан хадгалах бөгөөд тухайн мэдээллийг бусдад задруулах, түүнчлэн энэхүү үйлчилгээний нөхцөлд заасан зорилгоос өөр бусад зорилгоор ашиглахыг хатуу хориглоно.
• 6.4. Монгол улсын хуулийн дагуу эрх бүхий байгууллагаас талуудын хоорондын харилцаа болон нөгөө талтай холбоотой аливаа мэдээ, мэдээллийг гаргаж өгөхийг шаардсан эсхүл хуулиар нууцлахыг хориглосон болон нэгэнт олон нийтэд ил болсон мэдээ, мэдээллийн хувьд нууц хадгалах үүрэг хүлээхгүй.

ДОЛОО. МЭДЭЭЛЛИЙН АЮУЛГҮЙ БАЙДАЛ, СИСТЕМИЙН ТАСРАЛТГҮЙ НАЙДВАРТАЙ АЖИЛЛАГААГ ХАНГАХ

• 7.1. Тэнокс Ажлы ХХК нь ажилтны мэдээллийн нууцлалыг системийн төвшинд найдвартай хадгална.
• 7.2. Тэнокс Ажлы ХХК нь долоо (7) хоногийн хорин дөрөв (24)-н цагийн горимд системийн хэвийн, найдвартай, тасралтгүй, аюулгүй үйл ажиллагааг хангаж, Ajly платформын үйлчилгээг тасралтгүй, түргэн шуурхай үзүүлэх нөхцөлийг бүрдүүлж ажиллана.
• 7.3. Ажилтан нь Ajly платформод нэвтрэхдээ 1.1-т заасан холбоосуудаар нэвтрэх ба тус холбоосуудын нэвтрэх нэр, нууц үг болон бусад мэдээллийн нууцлалаа чандлан хадгалах бөгөөд нууцлалаа алдсанаас үүсэх хариуцлагыг өөрөө хүлээнэ.
• 7.4. Ажилтан нь Ajly платформ руу нэвтрэх нэр болон нууц үгийн нууцлалыг өөрийн эцэг эх, эхнэр/нөхөр, хүүхэд болон бусад этгээдэд санаатай болон санамсаргүй байдлаар задруулсны улмаас үүсэх үр дагаврыг Тэнокс Ажлы ХХК хариуцахгүй.
• 7.5. Ажилтны Ajly платформ-д нэвтрэхдээ ашигласан холбоосуудаар хийгдэж буй аливаа ажлын хүсэлт өгөх, баталгаажсан ажил, мөнгө татах гэх мэт хийгдэж буй бүхий л үйлдлүүдийг тухайн этгээд өөрөө гаргаж буйд тооцно.
• 7.6. Ажилтан нь Ajly платформ-д нэвтрэхэд ашигласан холбоосуудын нэвтрэх нууц үг алдагдсан байж болзошгүй тохиолдолд яаралтай солих үүрэгтэй.
• 7.7. Ажилтан гүйлгээ хийхдээ дансны дугаар, гүйлгээний дүнгээ зөв оруулах бөгөөд буруу оруулсны улмаас талууд үүсэх зардал, хохирлыг өөрөө хүлээнэ.
• 7.8. Ажилтан нь дараах нөхцөл бий болсны улмаас талуудад үүссэн хохирол, зардлыг бүрэн хариуцна. Үүнд:
  • 7.8.1. Ajly платформ суулгасан гар утас эсхүл төхөөрөмжөө бусдад дамжуулсан, ашиглуулсан, хэрэглүүлсэн, эхсүл хулгайд алдсан;
  • 7.8.2. Ajly платформ суулгасан гар утас эсхүл төхөөрөмж эвдэрсэн;
  • 7.8.3. Банкны болон бусад гуравдагч этгээдийн систем, үйл ажиллагааны саатлын улмаас талуудад учирсан хохирол, зардлыг Тэнокс Ажлы ХХК хариуцахгүй.
  • 7.8.4. Ажилтан нь санаатайгаар Ajly платформ-д системийн доголдол үүсгэсний улмаас учирсан хохирлыг бүрэн хариуцна.

НАЙМ. ХАРИЛЦАГЧИЙН ГОМДОЛ, ХҮСЭЛТИЙГ ШИЙДВЭРЛЭХ

• 8.1. Ажилтан нь Ajly платформ-д бүртгүүлсэн хувийн мэдээллээ устгуулах хүсэлтэй бол Тэнокс Ажлы ХХК-ны албан ёсны харилцагчдтай харилцах и-мэйл хаяг info@ajly.mn эсвэл +976 72770242 утсуудаар холбогдон бүртгэлээ устгуулах хүсэлтээ өгөх боломжтой. Хүсэлтийн дагуу бүртгэлийг ажлын 1-3 өдрийн дотор хүсэлтийг шийдвэрлэнэ.
• 8.2. Тэнокс Ажлы ХХК нь ажилтнаас ирсэн гомдлыг боломжит хугацаанд шийдвэрлэж харилцагчийн бүртгэлтэй утасны дугаараар холбогдон мэдэгдэнэ.
• 8.3. Ажилтны алдаатай ажлын хүсэлт илгээсэн, баталгаажсан ажилд очоогүй зэрэг ажилтанын илтэд хайхрамжгүй, болгоомжгүй үйлдэлтэй холбоотой үр дагаврыг ажилтан дангаар хариуцна.

ЕС. БУСАД НӨХЦӨЛ

• 9.1. Энэхүү Үйлчилгээний нөхцөл талуудын хооронд байгуулах Хөдөлмөр зуучлалын гэрээ болон хөлсөөр ажлуулах гэрээний салшгүй хэсэг байна.
• 9.2. Энэхүү гэрээний харилцаатай холбоотой асуудлаар талуудын хооронд маргаан үүсвэл талууд харилцан зөвшилцөж, эвийн журмаар шийдвэрлэхийг зорино.
• 9.3. Гэнэтийн буюу давагдашгүй хүчин зүйл гэдэгт терроризм, хорлон сүйтгэх ажиллагаа, үймээн самуун, бослого, хувьсгал зэрэг нийгмийг хамарсан эмх замбараагүй байдал, байгалийн гамшигт үзэгдэл, гэрээний харилцаатай холбоотой эрх бүхий байгууллагын хориг зэрэг урьдчилан таамаглах боломжгүй, талуудын хяналтаас гадуур бий болсон аливаа үйл явдлыг ойлгоно.
• 9.4. Гэнэтийн болон давагдашгүй хүчин зүйлээс шалтгаалан аль нэг тал нь энэхүү гэрээгээр хүлээсэнүүргээ хугацаандньбиелүүлэх боломжгүйнөхцөлбайдал үүссэннь талуудынэрх ашгийг хөндөхгүй бол тухайн хүчин зүйлийн нөлөөлөл арилах хүртэлх хугацаагаар үүргийн гүйцэтгэлийг хойшлуулж болно.

ИЙМД ТА ЭНЭХҮҮ ҮЙЛЧИЛГЭЭНИЙ НӨХЦӨЛТЭЙ САЙН ТАНИЛЦАЖ ЗӨВШӨӨРӨХ ЭСЭХЭЭ ШИЙДЭХИЙГ ЗӨВЛӨЖ БАЙНА.

© 2026. TENOX AJLY